Mëngjesin e 25 dhjetorit 2025, ka ndërruar jetë Jahja Mustafa, babai i të dënuarit nga Gjykata Speciale në Hagë, Salih Mustafa. I ndjeri po përballej me probleme serioze shëndetësore dhe ishte për disa ditë në gjendje të rëndë, por fatkeqësisht nuk arriti t’i mbijetojë sëmundjes.
Sipas familjarëve dhe burimeve të afërta, lajmi për vdekjen e tij është konfirmuar nga vetë familja. Përgjatë ditëve të fundit, babai i Mustafës ishte në gjendje kritike, por Gjykata Speciale nuk ia lejoi Mustafës që ta vizitonte babain e tij gjatë asaj periudhe, pasi i dënuari ndodhet në burg dhe kërkesa për vizitë humanitare nuk u aprovua deri në momentin kur i ndjeri ndërroi jetë. Paparaci
Reagime kanë ardhur edhe nga Organizata e Veteranëve të Luftës së UÇK-së, e cila e ka cilësuar refuzimin e vizitës si jo humane dhe në kundërshtim me të drejtat themelore të njeriut. Ata kanë thënë se kjo çështje do të ngrihet edhe në instanca ndërkombëtare dhe tek organizatat përkatëse për të drejtat e njeriut.
Salih Mustafa është i njohur publikisht si njëri prej ish-komandantëve të UÇK-së dhe është dënuar më herët nga Gjykata Speciale me 15 vjet burgim për vepra të rënda të luftës
