Një ngjarje e rëndë ka tronditur qytetin e Gjilanit mesditën e sotme.
Sinjali mëson se i vdekur tanimë ka mbetur edhe personi i tretë.
Sinjali poashtu ka siguruar identitetin e dy personave të tjerë që humbën jetën në ngjarjen e rëndë të ndodhur sot rreth orës 12:32, në “Cafiteria 2000” në Gjilan, ku u përdor armë zjarri.
Viktimat janë: • Selami Hasani rreth 67-vjeçar • Abedin Hoxha rreth 68-vjeçar.
Në këtë incident mbetën të plagosur edhe tre persona të tjerë: Naim Hoxha rreth 41-vjeçar, Edmond Hasani dhe Bujar Hoxha rreth 41-vjeçar – ky i fundit është dërguar me urgjencë në QKUK për trajtim mjekësor.
Sipas burimeve të Sinjalit, për këtë rast janë shpallur në kërkim Mefail Shkodra dhe dy djemtë e tij, Edonis Shkodra dhe Engjull Shkodra, të cilët dyshohen për përfshirje në krim.
Policia është në ndjekje intensive të tyre, ndërsa hetimet po vazhdojnë për zbardhjen e plotë të motivit dhe rrethanave të ngjarjes./Periskopi/
