Tiranë, 17 Tetor 2025 – Kryeministri i Shqipërisë, Edi Rama, është nderuar sot nga veteranët e Ushtrisë Çlirimtare të Kosovës me një portret dhe një pllaketë mirënjohjeje, si shenjë falënderimi për mbështetjen e tij ndaj protestës në Tiranë, e cila po mbahet në solidaritet me ish-krerët e UÇK-së që po gjykohen në Hagë.
Simbolet u dorëzuan gjatë protestës nga veterani Agim Pllashaniku, përmes deputetes Ogerta Manastirliu. Në pllaketë ishte gdhendur një mesazh falënderues për qëndrimin e Ramës në përkrahje të drejtësisë dhe të luftës çlirimtare të popullit të Kosovës.
Protesta në Tiranë është pjesë e një vale solidariteti që po zhvillohet në disa qytete shqiptare, në mbështetje të ish-udhëheqësve të UÇK-së që po përballen me drejtësinë ndërkombëtare në Dhomat e Specializuara në Hagë./Qendra.INFO
