Qendra.info ka siguruar një fotografi nga takimi që emisari special i ish-presidentit amerikan Donald Trump, Richard Grenell, ka zhvilluar me përfaqësues të rajonit, ku e pranishme ka qenë edhe presidentja e Kosovës, Vjosa Osmani.
Në foto, Osmani shihet duke mbajtur shënime, e ulur pas përfaqësuesve të Shqipërisë dhe Maqedonisë së Veriut. Megjithatë, ky takim nuk është bërë publik nga presidentja, ndonëse ajo ka informuar vazhdimisht për takimet e tjera gjatë qëndrimit në Nju Jork, në kuadër të Asamblesë së Përgjithshme të OKB-së.
Për dallim nga fotografitë e shpërndara më herët, ku Osmani nuk shihej, kjo pamje tregon se ajo ka marrë pjesë drejtpërdrejt në bisedimet ku i pranishëm ishte edhe ministri i jashtëm i Serbisë, Marco Gjuriq.
