Në raportin 24 orësh thuhet se armët kanë qenë të fshehura në magjistralen Prishtinë-Mutivodë.
Policia thotë se po po punon intensivisht në hetimin dhe ndriçimin e rastit si dhe arrestimin e të dyshuarve.
“VRASJE E RËNDË NË BASHKËRYERJE&ARMËMBAJTJE PA LEJE – Rr. “Bajram Kelmendi-Rrustem Hyseni”, Prishtinë / 25.03.2025 – 22:25. Lidhur me rastin e datës së lartcekur Policia e Kosovës ka siguruar informacione se armët e përdorura në kryerjen e veprës penale të lartcekur gjenden të fshehura në magjistralen Prishtinë – Mutivodë. Lidhur me rastin në lokacion kanë dalë njësitë përkatëse policore dhe në konsultim me prokurorin e rastit kanë bërë sekuestrimin e tri armëve të zjarrit: një armë zjarri AK 47, një armë zjarri e tipit TT dhe një armë zjarri COLT. Policia e Kosovës po vazhdon të punojë intensivisht në hetimin dhe ndriçimin e plotë të rastit, si dhe sjelljen para organeve të drejtësisë së personave të dyshuar”, thuhet në raportin 24 orësh.
Ndryshe, nga të shtënat me armë mbrëmjen e së martës u plagosën dy persona, njëri prej të cilëve vdiq pastaj në QKUK.
Policia atë natë tha se ka identifikuar të dyshuarin, teksa të nesërmen në raportin 24 orësh tha se bëhej fjalë për dy të dyshuar të cilët kishin hyrë brenda lokalit të maskuar dhe kishin shtënë drejt viktimave. /Reporteri.net
