Një ngjarje e rëndë ka ndodhur mbrëmjen e sotme në lagjen nr. 12 të qytetit të Durrësit, ku një person është gjetur i pajetë në banesën e tij.
Sipas informacioneve paraprake, viktima nuk ka humbur jetën për shkaqe natyrale, por dyshohet se është goditur me thikë. Trupi i tij është gjetur vetëm pak minuta para se ngjarja të bëhej publike.
Forcat e policisë kanë mbërritur menjëherë në vendngjarje, duke rrethuar zonën dhe nisur veprimet hetimore. Aktualisht, identiteti i viktimës nuk është bërë ende i ditur, ndërsa grupi hetimor po punon për zbardhjen e plotë të rrethanave.
Policia e Durrësit është vënë në kërkim të autorit të dyshuar dhe vijon punën në terren për identifikimin dhe kapjen e tij.
