Në një udhëtim që pritej të ishte thjesht ceremonial, presidenti i Serbisë Aleksandar Vuçiç është përballur me një situatë të paparashikuar – avioni i tij, në fluturim drejt Moskës për të marrë pjesë në Paraden e Fitores, është ndalur urgjentisht në Baku!
Burime të sigurta për Qendra.Info bëjnë me dije se ndalesa nuk ka qenë teknike, por për arsye sigurie: Rusia kishte mbyllur hapësirën ajrore për shkak të sulmeve të mundshme me dronë ukrainas.
Asnjë avion nuk lejohej të fluturonte drejt Moskës pa autorizim special. Vuçiç dhe ekipi i tij mbetën për orë të tëra në Azerbajxhan duke pritur lejen për të vijuar fluturimin.
Rreth orës 14:00, sipas të dhënave nga “Flightradar24”, avioni qeveritar serb rifilloi fluturimin drejt destinacionit të diskutueshëm.
Në Moskë, Vuçiç pritet të marrë pjesë në Paradën e Fitores dhe të zhvillojë një takim “kokë më kokë” me presidentin rus Vladimir Putin – takim ky që vjen në një moment delikat për marrëdhëniet ndërkombëtare.
Qendra.Info do të vijojë ndjekjen e zhvillimeve në terren.
