Deputetja e LDK-së, Janin Ymeri, ka bërë me dije se kryeministri Albin Kurti po përdor metoda të shantazhit për zgjedhjen e presidentit.
Ajo ka vlerësuar se Kurti po e kushtëzon opozitën me zgjedhje.
Në profilin e saj në Facebook, ajo ka bërë me dije se nuk do të nënshtrohet këtij shantazhi.
“Shumë gjëra në Kosovë janë kushtëzu me shantazh, me kërcnim, këtë e dëgjojmë edhe jashtë sallave të gjykatave po tash Kosova ka arrit në atë nivel që Kryeministri përdor këtë metodë edhe për zgjedhje të Presidentit. Ose Kandidati im partiak ose zgjedhje. Ose Pushtet 100% Kurti & Co. ose Zgjedhje. Megjithatë, jo vec unë që s’do i nënshtrohëm këtij kushti, po vota pro ose kundër sa për kuorum nga një deputet nga opozita të cilës do parti për kandidat të partiak të pushtetit është vrasje e demokracisë edhe e lirisë në vendimmarrje. As Glauk Konjufca as asnjë numër tjetër serik i partise (ksisoj i ka paraqitur Kurti), nuk duhet të marr postin e Presidentit”, ka shkruar ajo.
