Shkup, 20 qershor 2025 – Zëvendëskryeministri i Maqedonisë së Veriut, Arben Fetai, ka zhvilluar sot një takim zyrtar me kryetarin e Këshillit Kombëtar Shqiptar në Serbi, Enkel Rexhepi, i cili përfaqëson shqiptarët e Luginës së Preshevës.
Sipas burimeve të Qendra.info, takimi është mbajtur në kuadër të përpjekjeve për forcimin e bashkëpunimit ndërmjet shqiptarëve në rajon dhe për të diskutuar sfidat me të cilat përballen shqiptarët në jug të Serbisë. Në fokus të diskutimit ishin përfaqësimi institucional i shqiptarëve në Luginë, çështjet e të drejtave kolektive, si dhe nismat për avancimin e bashkëpunimit me institucionet e Maqedonisë së Veriut.
Ky takim vjen në një moment të rëndësishëm për koordinimin e përfaqësimit politik të shqiptarëve në rajon, duke reflektuar angazhim të ndërsjellë për çështje të përbashkëta kombëtare dhe rajonale.
