Një zjarr i madh ka përfshirë fshatin Lubizhdë të Prizrenit, duke shkaktuar dëme të mëdha materiale. Flakët kanë përfshirë një stallë bagëtish, ku ndodheshin disa lopë në momentin e shpërthimit të zjarrit.
Pamjet e publikuara në rrjetet sociale tregojnë banorët duke bërë përpjekje të dëshpëruara për të shpëtuar kafshët nga stalla që po digjej. Disa prej lopëve kanë arritur të nxirren jashtë, por raportimet tregojnë se disa prej tyre janë në gjendje të rëndë.
Nuk dihet ende shkaku i zjarrit dhe as numri i saktë i bagëtive të dëmtuara apo humbura. Autoritetet lokale nuk kanë dhënë ende një njoftim zyrtar për rastin.
