Në këto zgjedhje lokale, qytetarët nuk do të vendosin vetëm për komunat, por edhe për të ardhmen e qeverisjes së Kosovës.
Opozita ka filluar të flasë hapur për planet e saj pas 9 shkurtit – synimi i tyre është të ndryshojnë rezultatin e zgjedhjeve dhe të formojnë qeveri në koalicion me Listën Serbe. Këto qëndrime po shfaqen në tubime lokale dhe studio televizive, duke premtuar se pas zgjedhjeve do të përmbysin qeverinë aktuale.
Megjithatë, për shkak se një koalicion me Listën Serbe para zgjedhjeve komunale do të ishte katastrofal për ta, opozita synon të zvarrisë formimin e qeverisë. Koalicioni me Listën Serbe pritet të zyrtarizohet vetëm pas përfundimit të zgjedhjeve lokale.
Procesi po ndihmohet edhe nga Gjykata Kushtetuese, e cila ka mbajtur Kuvendin të bllokuar për më shumë se një muaj.
Kështu, këto zgjedhje lokale vendosin shumë më tepër sesa vetëm komunat – ato do të përcaktojnë se çfarë qeverie do të ketë Kosova: një Qeveri Kurti 3 që forcon shtetin, apo një qeveri që lejon Listën Serbe të ketë ndikim të drejtpërdrejtë në vendimmarrje.
