Policia e Kosovës ka arrestuar dymbëdhjetë persona të dyshuar për veprën penale “organizimi i skemave piramidale dhe bixhozit të paligjshëm” në Junik.
Sipas njoftimit, rasti ka ndodhur më 12 shkurt 2026, rreth orës 01:40, kur Drejtoria Rajonale e Policisë në Pejë, përmes Stacionit Policor në Junik, ka pranuar informacion se në një lokal po zhvilloheshin veprimtari të kundërligjshme të lojërave të fatit.
Policia ka reaguar menjëherë dhe gjatë kontrollit në vendin e ngjarjes janë sekuestruar:
-
1,040 euro para të gatshme
-
letra bixhozi
-
dëshmi të tjera relevante për rastin
Të dyshuarit janë intervistuar dhe, me urdhër të prokurorit të shtetit, janë dërguar në mbajtje për 48 orë.
Hetimet lidhur me rastin janë duke vazhduar.
