Ferizaj është tronditur nga një tjetër rast i posedimit të narkotikëve. Mëngjesin e 17 gushtit 2025, rreth orës 06:00, Policia e Kosovës ka arrestuar një 25-vjeçar në parkingun e qendrës tregtare “The Village”, përballë marketit “Viva Fresh”.
Sipas raportit zyrtar, patrulla policore ka vërejtur një person duke bërë veprime të dyshimta dhe pas ndalimit e ka identifikuar si Shqiprim Llugaxhiu, rreth 25 vjeç. Në momentin që ka parë policinë, i dyshuari ka tentuar të fshehë provat duke hedhur një paketë cigareje.
Kontrolli i mëtejshëm ka zbuluar se në çantën e belit të tij kishte një qese me marihuanë, ndërsa në pakon e cigareve janë gjetur edhe 12 qese të tjera me të njëjtën substancë narkotike.
Në total, janë konfiskuar 13 qese marihuanë me peshë 7.34 gram. Me autorizim të prokurorisë kompetente, rasti është cilësuar si “Posedim i paautorizuar i narkotikëve, substancave psikotrope ose analoge” dhe ndaj të dyshuarit janë ndërmarrë veprimet e parapara ligjore.
