Unioni i Studentëve Shqiptarë (USSH) është organizata më e madhe studentore mbarëshqiptare, e cila për 20 vite ka qenë zë i fuqishëm në mbrojtjen dhe përfaqësimin e të drejtave të studentëve shqiptarë. Themeluar më 20 Tetor 2004, USSH ka vepruar në qendrat kryesore universitare si Prishtina, Tirana, Shkupi, Tetova, Prizreni, Peja, Podgorica, Shkodra Gjilani, Diaspora etj duke ndërtuar ura të rëndësishme bashkëpunimi dhe duke promovuar vlerat e arsimit dhe kulturës shqiptare.
Përgjatë dy dekadave, USSH ka qenë në vijën e parë të organizimit të protestave, konferencave akademike dhe aktiviteteve të tjera që kanë synuar përmirësimin e kushteve për studentët dhe avancimin e arsimit në të gjitha trojet shqiptare. Unioni i Studentëve Shqiptarë ka ndihmuar në forcimin e rrjeteve studentore dhe institucionale, duke krijuar mundësi për zhvillim akademik dhe shoqëror për studentët.
USSH do të jetë gjithmonë pranë studentëve shqiptarë, duke mbrojtur të drejtat e tyre dhe duke promovuar e ruajtur vlerat e shëndosha kombëtare. Me një përkushtim të palëkundur, USSH mbetet një zë i fuqishëm në mbështetje të edukimit cilësor dhe përparimit shoqëror.
Urime 20-vjetori!
Gjithmonë pranë jush,
Unioni i Studentëve Shqiptarë ❤️🖤
