Inteligjenca shpesh kuptohet si aftësia për të reaguar shpejt dhe efikas ndaj situatave të panjohura, dhe është një kombinim i faktorëve të lindur dhe atyre të zhvilluar përmes përvojës dhe mësimit. Ekspertët e psikologjisë dhe neuroshkencës pajtohen se inteligjenca është një potencial që mund të zhvillohet gjatë jetës. Po ju dyshoni në inteligjencën tuaj? Ja disa shenja që mund t’ju bëjnë të mendoni se jeni më inteligjentë sesa mendoni.
1. Keni Mësuar Të Luani Një Instrument Muzikor
Studimet kanë treguar se të mësuarit të luash një instrument muzikor ka një ndikim pozitiv në zhvillimin e fëmijëve, madje vetëm një muaj edukim muzikor mund të përmirësojë aftësinë për të mësuar. Ky proces nxit aftësi të rëndësishme si kujtesa, përqendrimi dhe krijimtaria, duke i ndihmuar individët të zhvillojnë aftësi intelektuale më të forta.
2. Jeni Fëmija më i Madh në Familje
Një studim i zhvilluar nga shkencëtarët ka treguar se fëmijët më të mëdhenj në familje kanë tendencë të kenë një IQ më të lartë se vëllezërit dhe motrat e tyre më të vegjël. Kjo mund të jetë për shkak të përgjegjësisë shtesë që vjen me rolin e fëmijës më të madh, si dhe ndikimeve të rritjes në një mjedis më të pjekur.
3. Ju Pëlqente Të Lexoni Kur Ishit Fëmijë
Nëse leximi ishte një pasion i hershëm për ju, mund të jeni më të zgjuar se sa mendoni. Një studim i vitit 2000 i çifteve binjake zbuloi se ata që filluan të lexonin më herët në jetën e tyre shënuan rezultate më të mira në teste të ndryshme intelektuale gjatë jetës. Leximi ka një ndikim të thellë në zhvillimin e aftësive verbale dhe joverbale.
4. Ju Shqetësoheni Shpesh
A e keni vënë re që shpesh shqetësoheni për gjithçka? Kërkimet e fundit sugjerojnë se njerëzit që shqetësohen shpesh janë më të inteligjentë sesa ata që ndjehen të qetë në çdo situatë. Kjo mund të ndodhi sepse njerëzit që shqetësohen janë gjithmonë duke analizuar mundësitë dhe pasojat, duke u siguruar që të bëjnë gjithçka siç duhet.
5. Keni Një Sens Të Mprehtë Humori
Një ndjenjë e fortë humori është shpesh një tregues i inteligjencës. Një studim i realizuar me 400 studentë ka zbuluar se studentët me IQ më të lartë shpesh krijonin tituj më të mprehtë dhe më të qeshur për skenat e filmave vizatimorë. Humoristi shpesh është një mendimtar kreativ që e sheh botën përmes një lente më të thellë dhe më të gjerë.
6. Jeni Kurioz
Kurioziteti është një tjetër tregues i inteligjencës. Njerëzit që janë të kureshëm kanë një dëshirë të fortë për të zbuluar dhe mësuar gjëra të reja. Ata kërkojnë përvojat e reja dhe janë gjithmonë të angazhuar në procesin e mësimit dhe zhvillimit personal. Kjo është një cilësi që i ndihmon ata të qëndrojnë të lidhur me zhvillimet më të fundit dhe të avancojnë në fusha të ndryshme të jetës.
7. Ju Pëlqen Të Bëni Rrëmuja
Koncepti i “rrëmujës krijuese” është shumë i përhapur, dhe studimet kanë treguar se disa njerëz kreativë funksionojnë më mirë në një mjedis më të pasigurt dhe të paorganizuar. Njerëzit që preferojnë një hapësirë të pakontrolluar shpesh janë më të krijueshëm, duke gjetur frymëzim në kaosin që i rrethojnë.
8. Jeni Një Buf Nate
Shumë njerëz që janë më aktivë gjatë natës kanë tendencë të jenë më inteligjentë se ata që shkojnë në shtrat herët. Aftësia për të menduar dhe krijuar gjatë natës është një tregues i një truri që është në një proces të vazhdueshëm mësimi dhe reflektimi. Këta individë shpesh shtyjnë kufijtë e tyre intelektualë duke pasur më shumë mundësi për të menduar thellë dhe për të gjetur zgjidhje të reja në heshtje.
9. Jeni Të Pavarur në Mëndim
Një nga tiparet kryesore të njerëzve inteligjentë është pavarësia në mendim. Ata shpesh shmangin mendimet dhe idetë e caktuara, duke formuar mendimet dhe opinionet e tyre në mënyrë të pavarur. Ata janë të aftë të sfidojnë status quo-në dhe të shohin botën në një mënyrë të re, duke krijuar kështu mundësi për përparim dhe zhvillim.
10. Jeni Të Gatshëm Të Mësoni nga Dështimet
Inteligjenca nuk matet vetëm nga aftësia për të qenë të suksesshëm, por edhe nga mënyra se si përballeni me dështimet. Njerëzit që shohin dështimin si mundësi për mësim janë më të prirur për të zhvilluar aftësi intelektuale dhe për të arritur rezultate më të mira në të ardhmen. Ata janë të gatshëm të përmirësojnë veten dhe të nxjerrin mësime nga çdo eksperiencë.
