Barcelona ka treguar përsëri forcën e saj në fushën e lojës, duke mposhtur Gironën me rezultatin 4:1 në xhiron e 29-të të La Ligës. Ky ishte triumfi i nëntë radhazi për katalanasit në kampionat, një rekord i impresionueshëm për skuadrën e drejtuar nga Hansi Flick. Herën e fundit që Barcelona nuk ka fituar ishte më 18 janar, kur barazoi 1:1 kundër Getafes.
Në këtë ndeshje, Barcelona u përpoq me çdo mënyrë për të goditur portën e Paulo Gazzaniga, por ishte një autogol i Ladislav Krejci në minutën e 43-të që i dha udhë liderëve të La Ligës. Megjithatë, Girona e tronditi Barcelonën në fillimin e pjesës së dytë. Në minutën e 53-të, Arno Danjuma shënoi golin e barazimit për mysafirët.
Ky gol e nxiti reagimin e katalanasve, ku Robert Lewandowski shënoi dy gola, duke arritur në shifrën e 25 golave të shënuar dhe duke u bërë golashënuesi më i mirë i sezonit në Primera. Përfundimisht, Ferran Torres vulosi fitoren me një gol të dytë, duke paralajmëruar një ndeshje të fortë ndaj Atletico Madridit në gjysmëfinalen e Kupës së Mbretit në “Wanda Metropolitano”.
Me këtë fitore, Barcelona ruan vendin e parë në tabelën e La Ligës me 66 pikë, duke pasur tre pikë më shumë se rivali i saj, Real Madrid. Girona, nga ana tjetër, ndodhet në vendin e 13-të me 34 pikë.
