Komuna e Prishtinës ka njoftuar se më 1 maj 2025 do të ndalohet qarkullimi i automjeteve private në drejtim të parkut “Gërmia”, për të garantuar rendin dhe mbarëvajtjen e aktiviteteve për Ditën Ndërkombëtare të Punëtorëve.
Sipas urdhëresës së lëshuar nga Kryetari i Kryeqytetit, ndalimi përfshin të gjitha automjetet private, me disa përjashtime të përcaktuara:
✅ Automjetet e linjës 4 të NPL “Trafiku Urban”
✅ Automjetet e Policisë së Kosovës, KFOR-it dhe EULEX-it
✅ Automjetet e emergjencës, KRM “Pastrimi” dhe NPL “Gjelbër”
✅ Inspektorët komunalë dhe autoritetet e tjera të autorizuara
Qytetarët që dëshirojnë të vizitojnë parkun “Gërmia” më 1 maj do të mund të udhëtojnë ekskluzivisht me autobusët e Trafikut Urban në linjën 4, e cila do të funksionojë për këtë qëllim.
Autoritetet komunale ftojnë qytetarët të respektojnë këtë rregullim të përkohshëm, në mënyrë që të sigurohet një festë e qetë dhe e sigurt për të gjithë.
📄 Për më shumë detaje, qytetarët mund të vizitojnë uebfaqen zyrtare të Komunës së Prishtinës.
