Nënkryetari i LDK-së, Lutfi Haziri, ka reaguar ndaj deklaratave të kryeministrit Albin Kurti, i cili kishte lënë të kuptohej se mungesa e marrëveshjes politike po krijon vakum institucional dhe pengon konstituimin e Kuvendit.
Pak orë para seancës së radhës, Haziri i hodhi poshtë këto pretendime, duke i cilësuar si manipulim të situatës aktuale.
“Nuk ka vakum institucional. Kjo është përpjekje për të manipuluar realitetin. Pa marrëveshje politike mund të mos ketë zgjidhje, por institucioni ekziston dhe duhet të veprohet,” deklaroi Haziri para mediave.
Reagimi i tij vjen në kohën kur vendi ndodhet në një ngërç parlamentar, me përpjekjet për zgjedhjen e kryetarit të Kuvendit që kanë dështuar tashmë 13 herë.
