Të hënën, në Kosovë parashikohet të mbajë mot i ndryshueshëm, me vranësira dhe intervale kohore me diell. Gjatë ditës do të fryjnë erëra të freskëta nga drejtimi i veriut. Në orët e pasdites priten rrebeshe të izoluara shiu, të shoqëruara me vetëtima dhe bubullima, kryesisht në zonat kodrinore-malore të Dukagjinit. Temperaturat maksimale do të arrijnë deri në 21 gradë Celsius.
Në Shqipëri, Maqedoninë e Veriut, Luginën e Preshevës dhe Malin e Zi, dita e hënë do të nisë me mot të kthjellët dhe vranësira të herëpashershme. Megjithatë, pasditja do të sjellë zhvillime të rrebesheve lokale të shiut, të cilat mund të shoqërohen me vetëtima dhe bubullima. Reshjet priten kryesisht në zonat kodrinore-malore, por nuk përjashtohet mundësia e shtrirjes edhe në disa vise të tjera.
