Në ambientet e Kryeministrisë u zhvillua sot ceremonia zyrtare e pritjes së Kryeministrit të Mbretërisë së Bashkuar, Keir Starmer, i cili ndodhet për një vizitë historike në Shqipëri. Kjo është hera e parë që një Kryeministër britanik realizon një vizitë zyrtare në vendin tonë, duke shënuar një moment të rëndësishëm në marrëdhëniet dypalëshe mes dy vendeve.
Vizita e Kryeministrit Starmer vjen në kuadër të forcimit të bashkëpunimit strategjik dhe thellimit të partneritetit mes Shqipërisë dhe Mbretërisë së Bashkuar. Gjatë qëndrimit të tij në Tiranë, pritet të diskutohen një sërë çështjesh me interes të përbashkët, përfshirë sigurinë, ekonominë, dhe bashkëpunimin në fushën e drejtësisë dhe migracionit.
🇦🇱🤝🇬🇧
Ky takim simbolizon angazhimin e ndërsjellë për avancimin e lidhjeve politike, ekonomike dhe kulturore, duke hapur një kapitull të ri në raportet mes dy vendeve aleate.
