E marta do të sjellë një përmirësim të ndjeshëm të motit në vend. Parashikohet mot më stabil, me diell dhe vranësira lokale, ndërsa temperaturat do të shënojnë rritje, me maksimumin që pritet të arrijë deri në 24°C. Gjatë pasdites, në disa zona të izoluara, kryesisht në veriperëndim të vendit (Pejë-Istog), mund të paraqiten rigë ose rrebeshe të izoluara shiu, të shoqëruara me ndonjë vetëtimë dhe bubullimë.
Rajoni – Edhe në Shqipëri, Maqedoninë e Veriut, Luginën e Preshevës dhe Mal të Zi, moti të martën do të jetë i kthjellët dhe me vranësira më të pakta lokale, krahasuar me ditët e kaluara. Temperaturat do të vijojnë të rriten, ndërsa rrymat ajrore nga jugperëndimi, të shoqëruara me masa ajrore nga Afrika Veriore, do të sjellin me vete grimca të pluhurit saharian, të cilat mund të ndikojnë në cilësinë e ajrit në rajon.
