Cristiano Ronaldo i ka dhënë zyrtarisht fund aventurës së tij në Ligën Profesionale Saudite, duke konfirmuar largimin nga Al Nassr përmes një postimi në rrjetet sociale. Pas humbjes 3-2 të ekipit të tij ndaj Al Fateh në ndeshjen e fundit të sezonit – ku vetë Ronaldo realizoi një nga dy golat – ylli portugez njoftoi mbylljen e këtij kapitulli në karrierën e tij.
“Ky kapitull është mbyllur. Historia? Është ende duke u shkruar. Mirënjohës të gjithëve”, shkroi Ronaldo në një mesazh të shkurtër, por kuptimplotë, në profilin e tij në Instagram.
Ronaldo iu bashkua Al Nassr në janar të vitit 2023, pas një ndarjeje të bujshme nga Manchester United për shkak të një përplasjeje me trajnerin Erik ten Hag. Transferimi i tij në Arabinë Saudite u bë me një kontratë rekord prej 200 milionë eurosh në vit – marrëveshja më e madhe financiare në historinë e futbollit për një lojtar.
Megjithë pritshmëritë e mëdha, periudha e Ronaldos në Al Nassr nuk solli trofetë e mëdhenj që tifozët prisnin. Ai nuk arriti të fitojë as Ligën Profesionale Saudite, as Ligën e Kampionëve të AFC, duke përmbyllur një kapitull të trazuar në karrierën e tij të lavdishme.
Ende nuk dihet se cili do të jetë destinacioni i radhës për 40-vjeçarin legjendar, por me mesazhin e tij, ai la të hapur derën për sfida të reja: “Historia është ende duke u shkruar.”
