Të shtunën, rajoni i Ballkanit Perëndimor pritet të përfshihet nga një valë e nxehtë me mot kryesisht të kthjellët dhe temperatura të larta verore. Në Kosovë, parashikimet sinoptike tregojnë për një ditë me diell, me ndonjë vranësirë të lehtë lokale, por pa zhvillime atmosferike të rëndësishme dhe me gjasa minimale për reshje. Temperaturat maksimale do të arrijnë deri në 35 gradë Celsius.
Situatë e ngjashme pritet edhe në Shqipëri, Maqedoninë e Veriut, Luginën e Preshevës dhe Malin e Zi, ku moti do të jetë kryesisht me diell dhe shumë i nxehtë për këtë periudhë të vitit. Meteorologët parashikojnë temperatura të larta dhe mungesë të reshjeve, duke e bërë këtë fundjavë një ndër më të nxehtat e deritanishme të sezonit.
Qytetarëve u rekomandohet kujdes ndaj temperaturave të larta, veçanërisht gjatë orëve të mesditës, dhe përdorimi i masave mbrojtëse nga dielli.
