E marta do të sjellë mot të qëndrueshëm dhe me diell në gjithë territorin e Kosovës. Sipas parashikimeve meteorologjike, priten vetëm vranësira të pakta lokale, ndërsa atmosfera do të jetë e qëndrueshme dhe e kthjellët për pjesën më të madhe të ditës.
Temperaturat do të njohin një rritje të lehtë, me vlerat maksimale që pritet të arrijnë deri në 30 gradë Celsius, duke krijuar një ndjesi të plotë të motit tipik veror.
Edhe në Shqipëri, Maqedoninë e Veriut, Luginën e Preshevës dhe Malin e Zi, moti do të karakterizohet nga kthjelltësi dhe ngrohtësi. Gjatë pasdites, në disa zona malore të jugut dhe juglindjes së Shqipërisë, si dhe në disa vise të Maqedonisë së Veriut, nuk përjashtohet mundësia për rrebeshe të izoluara shiu të shoqëruara me vetëtima dhe bubullimë.
Meteorologët vlerësojnë se ky stabilizim i motit shënon fillimin e një periudhe më të ngrohtë dhe të favorshme për aktivitete në natyrë në të gjithë rajonin.
