E diela në Kosovë pritet të karakterizohet nga mot i kthjellët, me diell dhe temperatura të larta tipike për verën. Sipas parashikimeve meteorologjike, vlera maksimale e temperaturave do të arrijë deri në 31 gradë Celsius, ndërsa mëngjeset dhe orët e mbrëmjes do të jenë disi më të freskëta.
Një situatë e ngjashme pritet të mbizotërojë edhe në vendet e rajonit. Në Shqipëri, Maqedoninë e Veriut, Luginën e Preshevës dhe Malin e Zi, dita e nesërme do të sjellë mot të qëndrueshëm, me diell dhe vapë të fortë. Temperaturat më të larta do të shënohen në zonat bregdetare të Shqipërisë, ku pritet të arrijnë deri në 35 gradë Celsius.
Institucionet meteorologjike u bëjnë thirrje qytetarëve që të shmangin qëndrimin në diell gjatë orëve të pikut dhe të kujdesen për hidratim, sidomos fëmijët dhe të moshuarit.
