Manchester City ka debutuar me sukses në Botërorin e Klubeve, duke mposhtur me rezultat 2-0 skuadrën marokene të Uidad Kazablankës. Kampionët e Europës konfirmuan statusin e favoritëve të turneut, duke dhënë një paraqitje solide që nga fillimi i ndeshjes.
Anglezët dominuan sidomos në pjesën e parë, ku protagonist absolut ishte Phil Foden. Mesfushori anglez zhbllokoi sfidën pak minuta pas nisjes, duke i dhënë avantazhin Cityt. Në fundin e pjesës së parë, Foden asistoi edhe për golin e dytë, të cilin e realizoi Doku, duke vulosur rezultatin përfundimtar.
Me këtë fitore, Manchester City konfirmon formën e mirë dhe synimin për të shkuar deri në fund të turneut prestigjioz, që zhvillohet mes kampionëve të kontinenteve.
Skuadra e Pep Guardiolës do të kërkojë të shtojë një tjetër trofe në vitrinën e saj, ndërsa ky ishte një hap i sigurt drejt finales.
