Sot, e enjte, në Kosovë pritet të mbizotërojë mot i nxehtë . Pjesa më e madhe e ditës do të karakterizohet nga diell dhe vranësira të herëpashershme, ndërsa në orët e pasdites parashikohen zhvillime konvektive, kryesisht në zonat kodrinore-malore. Aty pritet të ketë rrebeshe të izoluara shiu të shoqëruara me vetëtima dhe bubullimë.
Temperaturat maksimale do të lëvizin ndërmjet 29 dhe 33 gradë Celsius, duke krijuar kushte tipike për një ditë të nxehtë vere.
Edhe në Shqipëri, Maqedoninë e Veriut, Luginën e Preshevës dhe Mal të Zi, moti do të jetë kryesisht me diell dhe tejet i nxehtë. Megjithatë, në orët e pasdites priten reshje të izoluara në zonat kodrinore-malore, të shoqëruara me vetëtima dhe bubullimë.
Qytetarëve u rekomandohet të shmangin ekspozimin e gjatë në diell gjatë mesditës dhe të kujdesen për hidratimin.
