Të martën, Kosova pritet të përballet me një ditë të nxehtë dhe kryesisht me diell, në vazhdën e valës së të nxehtit që ka përfshirë vendin. Sipas Motilokal, moti do të jetë stabil dhe pa reshje, me ndikimin e masave ajrore të thata dhe të ngrohta që vijnë nga Mesdheu.
Temperaturat do të lëvizin nga 22°C në mëngjes, deri në 31°C gjatë ditës, me rrezatim të lartë diellor veçanërisht nga ora 10:00 deri në 17:00.
Autoritetet meteorologjike rekomandojnë qytetarët të shmangin ekspozimin e gjatë në diell, veçanërisht gjatë orëve të mesditës, për të parandaluar efektet shëndetësore të nxehtësisë si dehidratimi apo goditjet nga dielli. Kushtet atmosferike do të jenë të favorshme për aktivitete në natyrë, me kujdes të shtuar ndaj temperaturave përvëluese.
