Botërori i Klubeve vjen me sfida të zjarrta që në fazën çerekfinale, ku dy superduele pritet të ndezin skenën futbollistike.
Paris Saint-Germain përballet me Bayern Munich në një ndeshje që cilësohet si një finale e parakohshme. Të dy gjigantët evropianë do të zbresin në fushë të premten, më 5 korrik, në orën 18:00, në një përballje që pritet të ofrojë spektakël, yje dhe emocione të forta.
Po atë ditë, në orët e para të mëngjesit, konkretisht në 03:00, do të luhet çerekfinalja tjetër mes Palmeiras dhe Chelseat, një përballje mes kampionëve të Amerikës Latine dhe atyre të Evropës.
Ndërkohë, Real Madrid dhe Borussia Dortmund, që u përballën edhe në finalen e Champions League për sezonin 2023/24, do të rikthehen në një tjetër duel të zjarrtë në këtë edicion të Botërorit të Klubeve. Kjo sfidë pritet të kompletojë kuadrin e çerekfinaleve.
Kalendari i Botërorit të Klubeve vazhdon të prodhojë emocione të mëdha, me tifozët që tashmë kanë sytë nga përballjet e së premtes, që mund të përcaktojnë edhe favoritët për titullin e këtij viti.
