Sëmundjet autoimune janë çrregullime serioze që ndodhin kur sistemi imunitar e humb aftësinë për të dalluar qelizat e shëndetshme nga ato të dëmshme, duke i sulmuar vetë indet e trupit. Numri i të prekurve nga këto sëmundje është në rritje të vazhdueshme, me një incidencë më të lartë te gratë, për shkak të ndryshimeve hormonale dhe faktorëve të tjerë kompleksë.
Çfarë janë sëmundjet autoimune?
Sëmundjet autoimune përfshijnë një gamë të gjerë çrregullimesh ku sistemi imunitar sulmon organet dhe indet e veta. Shembuj të tillë përfshijnë:
-
Sëmundja e Graves – sulmon gjëndrën tiroide
-
Sëmundja e Crohn dhe koliti ulceroz – prekin sistemin tretës
-
Artriti reumatoid dhe spondiliti ankilozant – shënjestrojnë artikulacionet dhe proteinat trupore
Këto çrregullime shpesh shkaktojnë inflamacion kronik dhe simptoma që prekin cilësinë e jetës së të sëmurëve.
Simptomat më të zakonshme
Në fazat fillestare, sëmundjet autoimune shfaqen me simptoma të përgjithshme si:
-
Lodhje dhe dobësi të vazhdueshme
-
Ethe të lehta
-
Dhimbje të pashpjegueshme
-
Përqendrim i dobët
-
Alergji dhe inflamacion i theksuar
Një nga sfidat kryesore është diagnostikimi i vonuar, pasi simptomat shpesh ngatërrohen me probleme psikologjike apo stres.
Shkaqet e mundshme
Edhe pse shkaku i saktë mbetet i panjohur, studimet sugjerojnë disa faktorë që mund të ndikojnë:
-
Gjenetika
-
Stresi i rëndë emocional
-
Përdorimi i pesticideve dhe toksinave mjedisore
-
Infeksione bakteriale, si Prevotella copri, i lidhur me artritin reumatoid
Studime nga Harvard tregojnë një lidhje të mundshme mes florës bakteriale të zorrëve dhe zhvillimit të sëmundjeve autoimune.
Trajtimi natyral: Bimë me veti anti-inflamatore
Ekspertët e natyralistikës sugjerojnë përdorimin e disa bimëve dhe vajrash për të lehtësuar simptomat:
-
Shafran i Indisë (Kurkuma)
Përmban kurkuminë që ndihmon në reduktimin e inflamacionit. Mund të konsumohet në ushqim ose përzierje me qumësht dhe mjaltë. -
Xhenxhefili
Rrënja e tij zbut dhimbjen dhe forcon imunitetin. Përdoret si çaj ose erëz. -
Vaji i kokosit
Efekt analgjezik dhe anti-inflamator. Mund të merret nga goja ose të përdoret për masazh të zonave të dhimbshme. -
Vaji i rigonit të egër
Efikas në artritin reumatoid dhe spondilitin. Konsumohet në pika ose për përdorim lokal me vaj kokosi. -
Aloe Vera
E njohur për vetitë e saj qetësuese dhe rigjeneruese. Mund të konsumohet si lëng i përzier me limon dhe mjaltë.
Roli i të ushqyerit dhe shëndetit mendor
Ushqyerja e shëndetshme, menaxhimi i stresit dhe pastrimi i organizmit nga toksinat janë pjesë thelbësore e qasjes holistike ndaj sëmundjeve autoimune. Këto çrregullime gjithashtu janë të lidhura me gjendje si:
-
Çrregullimet e humorit
-
Skizofrenia
-
ADHD
-
Stresi post-traumatik
Këshillë profesionale: Nëse dyshoni për ndonjë sëmundje autoimune, konsultohuni me mjekun reumatolog ose imunolog për një diagnozë të saktë dhe plan trajtimi të përshtatshëm.
