Të dielën, në territorin e Kosovës parashikohet mot kryesisht me diell, i shoqëruar me vranësira të herëpashershme. Në disa lokalitete, vranësirat mund të sjellin reshje të izoluara shiu, megjithatë dominimi i ditës pritet të jetë nga intervalet me diell.
Temperaturat do të jenë tipike për mesverën, me vlera që pritet të lëvizin nga 23°C deri në 29°C.
Institucionet përgjegjëse për meteorologjinë njoftojnë për kujdes të shtuar në orët 10:00 deri në 17:00, për shkak të rrezatimit të lartë diellor dhe temperaturave përvëluese që mund të ndikojnë negativisht në shëndetin e qytetarëve, veçanërisht tek fëmijët, të moshuarit dhe personat me sëmundje kronike.
Rekomandohet shmangia e ekspozimit të drejtpërdrejtë në diell gjatë këtyre orëve dhe kujdes i shtuar në marrjen e lëngjeve.
