Gjatë takimit, Kryeministri Kurti vlerësoi lart bashkëpunimin e ngushtë dhe të frytshëm gjatë katër viteve të fundit, duke theksuar marrëdhëniet shumë të mira bilaterale dhe miqësinë e fortë ndërmjet Kosovës dhe Sllovenisë.
“Ambasadorja Benedejqiq ka dhënë një kontribut të çmuar në forcimin e marrëdhënieve tona, si dhe në mbështetjen e palëkundur të Sllovenisë për Kosovën në rrugën e saj drejt integrimit euro-atlantik”, deklaroi Kurti.
Ai e falënderoi ambasadoren për angazhimin e saj të vazhdueshëm në promovimin e bashkëpunimit politik, ekonomik dhe kulturor mes dy vendeve, duke nënvizuar se ajo do të mbetet një mike e përhershme e Kosovës dhe gjithmonë e mirëseardhur.
Takimi u mbyll me urimet më të mira të Kryeministrit për sukseset e radhës të ambasadores Benedejqiq në karrierën e saj diplomatike.
