Në koordinim me Institutin Kombëtar të Shëndetësisë Publike të Kosovës (IKShPK), ministria paralajmëron se vala e të nxehtit mund të ndikojë negativisht në shëndetin e qytetarëve, sidomos te grupet më të ndjeshme të popullsisë si: fëmijët, të moshuarit, gratë shtatzëna, personat me sëmundje kronike, si dhe punëtorët që punojnë në ambiente të hapura ose në kushte me temperatura të larta.
“Ftohen të gjitha institucionet që t’i përmbahen këtyre rekomandimeve me qëllim mbrojtjen e shëndetit të punëtorëve dhe të grupeve të tjera të rrezikuara,” thuhet në njoftimin zyrtar të ministrisë.
Autoritetet shëndetësore u bëjnë thirrje qytetarëve të shmangin daljet gjatë orëve më të nxehta të ditës dhe të qëndrojnë të hidratuar, ndërsa punëdhënësit të sigurojnë kushte pune të sigurta për të gjithë punëtorët.
DownloadDocument
