Policia e Kosovës ka arrestuar një person të dyshuar për të shtëna me armë zjarri gjatë një ahengu familjar në lagjen jugore të Mitrovicës.
Sipas njoftimit zyrtar të Policisë, rreth orëve të mbrëmjes së së enjtes është pranuar informata për të shtëna me armë në një lokacion të caktuar. Njësitet policore kanë reaguar me shpejtësi, duke lokalizuar vendin e ngjarjes dhe duke ndërmarrë veprime operative.
Gjatë intervenimit, nga vendi i ngjarjes është sekuestruar një armë zjarri e llojit pistoletë, si dhe pesë fishekë, të cilat janë konsideruar si prova materiale.
Në cilësinë e të dyshuarit është intervistuar S.B., 46 vjeç, shtetas i Republikës së Kosovës. Pas procedurave të para hetimore, i dyshuari është liruar në procedurë të rregullt, ndërkohë që ndaj tij është iniciuar rast penal për “Përdorim të armës apo mjetit të rrezikshëm”.
Policia njofton se hetimet lidhur me rastin janë duke vazhduar dhe apelon për kujdes dhe përgjegjësi, sidomos gjatë ngjarjeve familjare, ku përdorimi i armëve është i ndaluar me ligj dhe rrezikon jetën e qytetarëve.
