Të hënën, moti në Kosovë pritet të jetë i ndryshueshëm, me diell dhe vranësira lokale, por gjatë ditës nuk përjashtohen rrebeshe të izoluara shiu të shoqëruara me vetëtima dhe bubullimë.
Sipas parashikimeve meteorologjike, në orët e pasdites dhe në mbrëmje pritet të ketë zhvillime më të fuqishme të vranësirave konvektive, që do të sjellin rrebeshe më të përhapura shiu me shtrëngata elektrike. Megjithatë, reshjet do të mbeten lokale dhe të përqendruara në zona të caktuara.
Ndërkohë, gjatë natës së vonë dhe orëve të para të së martës, në Kosovë parashihet një valë reshjesh më të përhapura, që do të shënojë fillimin e një periudhe me prani më të theksuar të lagështisë atmosferike.
Temperaturat do të pësojnë rënie graduale, ku maksimumi ditor parashikohet të mos i kalojë 31°C
