Nga ky muaj, të gjithë punonjësit në organizatat buxhetore do të përfitojnë një rritje të pagës mujore prej 55 eurove shtesë, duke e kompletuar kështu rritjen totale të planifikuar për vitin 2025, në vlerë prej 110 euro për çdo të punësuar në sektorin publik.
Lajmin e ka bërë të ditur Ministri i Financave, Hekuran Murati, përmes një njoftimi në rrjetin social Facebook, ku theksoi se kjo rritje është pjesë e politikës së vazhdueshme të Qeverisë për të përmirësuar kushtet financiare të shërbyesve civilë.
Sipas Muratit, kjo është rritja e katërt e pagave në sektorin publik brenda mandatit aktual të Qeverisë Kurti, duke e bërë atë “qeverinë e vetme që ka realizuar katër rritje të pagave në një mandat”.
Në vijim të deklaratës së tij, Murati përmendi edhe fazat e mëhershme të rritjes:
-
Shkurt 2023 – Hyrja në fuqi e Ligjit të Pagave;
-
Janar 2024 – Rritja e koeficientit nga 105 në 110;
