E mërkura në Kosovë pritet të karakterizohet nga moti relativisht i nxehtë, me vranësira të shpeshta dhe intervale kohore me diell. Në disa zona të izoluara mund të paraqiten reshje të lehta lokale shiu, por me intensitet të dobët.
Sipas parashikimeve meteorologjike, temperaturat minimale do të luhaten rreth 13°C, ndërsa maksimumi pritet të arrijë deri në 27°C, veçanërisht në rajonin e Dukagjinit.
Edhe në rajonet përreth – Shqipëri, Maqedoninë e Veriut, Luginën e Preshevës dhe Malin e Zi – dita e mërkurë do të sjellë moti me diell i alternuar me vranësira lokale, të cilat në raste të rralla mund të kushtëzojnë reshje të dobëta shiu.
Në përgjithësi, temperaturat do të jenë më të këndshme në krahasim me ditët e kaluara, duke sjellë një lehtësim të përkohshëm nga vala e të nxehtit që ka përfshirë rajonin gjatë javëve të fundit.
