Futbollisti shqiptar Jasir Asani do të jetë pjesë e klubit iranian Esteghlal FC duke filluar nga janari i vitit 2026, duke nisur një kapitull të ri në karrierën e tij ndërkombëtare. Transferimi i tij vjen pas përfundimit të kontratës me klubin korean Guangju FC, ku ai spikati me paraqitje të shkëlqyera dhe gola spektakolarë.
Lajmin për marrëveshjen e ka konfirmuar vetë klubi iranian përmes një njoftimi zyrtar, i cili u shoqërua edhe me një video prezantuese për tifozët. Në materialin promovues, Asani shfaqet në momente kulmore me fanellën e Guangju, duke shënuar disa nga golat më të bukur të karrierës së tij në Korenë e Jugut.
Reagimet në rrjetet sociale nuk munguan. Tifozët e Esteglalit e mirëpritën me entuziazëm ardhjen e sulmuesit shqiptar, ndërsa Asani nuk hezitoi të përshëndeste mbështetësit e rinj me një mesazh të shkurtër, por domethënës:
“Shihemi së shpejti!”, ishte fraza që futbollisti zgjodhi për t’iu drejtuar fansave të tij në Iran.
Me këtë transferim, Jasir Asani pritet të jetë një ndër pikat kyçe në repartin ofensiv të Esteglalit për sezonin e ardhshëm.
