Qendra Kombëtare për Menaxhim Kufitar ka publikuar të dhënat më të fundit mbi situatën në pikat kufitare të Kosovës, duke njoftuar për pritje minimale në shumicën e pikave hyrëse.
Sipas përditësimit zyrtar të publikuar në orën 07:28 të mëngjesit, fluksi i automjeteve është nën kontroll, përveç në pikën kufitare në Dheu i Bardhë, ku pritjet për të hyrë në territorin e Kosovës shkojnë deri në 20 minuta.
Në pikat e tjera kufitare, pritjet variojnë nga 3 deri në 5 minuta, duke e bërë kalimin më të shpejtë dhe të lehtësuar për udhëtarët.
Qendra ka bërë thirrje për ndjekjen e përditësimeve në kohë reale për të shmangur vonesat dhe për të planifikuar udhëtimet me lehtësi gjatë sezonit të verës, ku fluksi i mërgimtarëve dhe turistëve zakonisht është më i lartë.
