Qeveria në detyrë e Republikës së Kosovës ka zhvilluar sot mbledhjen e saj të 266-të, e cila është mbajtur në formë elektronike, duke miratuar disa vendime me rëndësi për infrastrukturën dhe shërbimet publike.
Sipas njoftimit zyrtar, kabineti qeveritar ka:
-
Miratuar vendimin për shqyrtim të mëtejmë të kërkesës me vetiniciativë për shpronësim të pronave të paluajtshme, të cilat janë të nevojshme për realizimin e projektit infrastrukturor të ndërtimit të urës mbi lumin Ibër, që do të lidhë Mitrovicën e Veriut dhe Mitrovicën e Jugut.
-
Caktuar zonat e shërbimit për ofruesit e shërbimeve të ujit në Republikën e Kosovës.
-
Miratuar ndryshimet në Statutin e Kompanisë Rajonale të Ujësjellësit “Mitrovica” Sh.A., në përputhje me vendimin e bordit të drejtorëve.
Këto vendime vijnë në kuadër të përpjekjeve të Qeverisë për të përmirësuar infrastrukturën dhe menaxhimin e shërbimeve publike në vend.
