Festivali ndërkombëtar i filmit dokumentar dhe të shkurtër, DokuFest, ka kthyer Prizrenin në epiqendrën e kulturës, kinemasë dhe ideve të reja.
Presidentja e Kosovës, Vjosa Osmani, ka vlerësuar atmosferën unike të festivalit, duke e përshkruar atë si një përvojë të mrekullueshme mes historive që frymëzojnë dhe njerëzve që e bëjnë artin pjesë të jetës së përditshme.
Edicioni i sivjetmë i DokuFest-it po mirëpret vizitorë nga mbarë bota, duke e bërë qytetin e vjetër të Prizrenit një pikë takimi të artistëve, krijuesve dhe dashamirëve të filmit.
