Kryetari i degës së LDK-së në Gjilan, Lutfi Haziri, ka reaguar pas dy ngjarjeve të rënda që kanë tronditur qytetin brenda vetëm dy ditësh: një rast dhune grupore ndaj një të miture dhe vrasja e trefishtë e ndodhur sot, ku një tjetër person mbeti i plagosur.
Haziri tha se këto ngjarje duhet të jenë një alarm serioz për të gjithë dhe kërkoi nga organet kompetente zbardhjen e plotë të rasteve. “Prej epitetit ‘qytet i paqes dhe i respektit’ e deri te qyteti pa asnjë vrasje, Gjilani është shndërruar në qytet të dhimbjes së madhe e kronikës së zezë. Kjo është e papranueshme dhe e patolerueshme”, deklaroi ai.
Ai shprehu ngushëllimet më të thella për familjet e viktimave dhe uroi shërim të shpejtë për të plagosurin.