E marta do të sjellë mot me diell dhe temperatura të larta verore në të gjithë Kosovën. Sipas parashikimeve meteorologjike, era e lehtë dhe mesatare nga verilindja do të sjellë freski sidomos në orët e mbrëmjes, por nuk do të ndikojë në uljen e ndjeshme të vapës gjatë ditës. Temperaturat maksimale pritet të arrijnë në 36–37°C.
Edhe në Shqipëri, Maqedoninë e Veriut, Luginën e Preshevës dhe Malin e Zi pritet të mbajë mot me diell dhe vapë intensive. Në veri të Shqipërisë, pasdite mund të shfaqet ndonjë rrebesh i izoluar, por pjesa tjetër e rajonit do të vijojë me mot kryesisht të kthjellët dhe temperatura të larta.
Meteorologët paralajmërojnë qytetarët, veçanërisht ata më të ndjeshëm ndaj temperaturave të larta, që të shmangin ekspozimin e gjatë në diell gjatë orëve të mesditës dhe të kujdesen për hidratim të mjaftueshëm.
