Koha e pritjes në pikat kufitare të Kosovës është ndjeshëm më e shkurtër krahasuar me ditët e kaluara.
Sipas të dhënave të fundit nga Qendra Kombëtare për Menaxhim Kufitar, në pikëkalimin e Merdarës, udhëtarët presin deri në 10 minuta për të hyrë në Kosovë, ndërsa për dalje pritja arrin rreth 20 minuta. Situatë e ngjashme është raportuar edhe në pikën kufitare tek Dheu i Bardhë, ku koha e pritjes për dalje është rreth 20 minuta.
Në pikat e tjera kufitare, pritjet për hyrje dhe dalje variojnë nga 1 deri në 5 minuta, duke garantuar një qarkullim më të shpejtë të udhëtarëve.
