E shtuna do të karakterizohet nga mot mjaft i nxehtë dhe me zagushi në Kosovë, ku temperaturat maksimale pritet të arrijnë deri në 34°C.
Sipas parashikimeve meteorologjike, gjatë orëve të pasdites do të ketë zhvillime të rrebesheve të izoluara shiu, të shoqëruara me vetëtima dhe bubullimë, kryesisht në zonat malore, por edhe në disa vise të ulëta. Në këto zona do të ketë freskim të përkohshëm të motit, ndërsa pjesa tjetër e vendit do të mbetet nën vapë dhe lagështi të lartë.
Ndërkohë, në Shqipëri, Maqedoninë e Veriut, Luginën e Preshevës dhe Malin e Zi, moti pritet të jetë me diell dhe vranësira lokale. Pasdite, lokalisht mund të zhvillohen reshje shiu me vetëtima e bubullimë, por ato do të mbeten të karakterit të kufizuar dhe kalimtar.
