Plazhi nuk është vetëm një vend i preferuar për pushime dhe argëtim, por edhe një burim i madh përfitimesh shëndetësore. Studiuesit dhe mjekët theksojnë se qëndrimi buzë detit ndikon pozitivisht si në shëndetin fizik, ashtu edhe në atë psikologjik. Ja cilat janë 10 përfitimet kryesore që sjell plazhi:
1. Reduktimi i stresit
Dielli, valët dhe tingulli i detit kanë efekt qetësues mbi trupin dhe mendjen. Shumë mjekë rekomandojnë terapinë me dritë për uljen e stresit dhe ankthit, ndërsa plazhi ofron këtë në mënyrë natyrale.
2. Përmirësimi i gjumit
Pas disa orësh qëndrimi në plazh, trupi prodhon më shumë serotonin dhe melatonin, gjë që ndihmon në një gjumë të thellë e të qetë.
3. Vitamina D natyrale
Vetëm 10 minuta në diell janë të mjaftueshme për të marrë dozën e nevojshme ditore të vitaminës D, një element jetik për shëndetin e kockave dhe sistemin imunitar.
4. Forcimi i imunitetit
Noti në ujë deti rrit rezistencën e trupit ndaj infeksioneve falë vetive antibakteriale dhe mineraleve si magnezi e kaliumi.
5. Aktivitete të pafundme fizike
Nga noti dhe ecja zbathur në rërë, deri te sportet ujore, plazhi ofron mundësi të shumta për të qëndruar aktiv dhe në formë.
6. Përmirësim i lëkurës
Rëra vepron si eksfoliant natyral, ndërsa uji i kripur ndihmon në detoksifikim dhe eliminimin e baktereve që shkaktojnë probleme të lëkurës.
7. Lehtësim i dhimbjeve dhe inflamacionit
Aerobika në ujë është ideale për të moshuarit apo personat me dhimbje kyçesh, pasi uji ul peshën e trupit dhe ndikon në reduktimin e inflamacionit.
8. Frymëmarrje më e lehtë
Ajri buzë detit është i pasur me jone negative, të cilat ndihmojnë në përthithjen më të mirë të oksigjenit, duke lehtësuar frymëmarrjen, sidomos te personat me astmë.
9. Rritja e niveleve të jodit
Noti në det përmirëson metabolizmin, energjinë dhe shëndetin e flokëve e thonjve, falë përthithjes së jodit përmes lëkurës.
10. Lidhje me shpirtin dhe natyrën
Pamja e gjerë e horizontit dhe tingulli i valëve nxit relaksimin shpirtëror. Meditimi dhe joga në plazh rekomandohen për qetësi dhe balancë emocionale.
Qëndrimi në plazh nuk është vetëm një luks apo destinacion pushimesh, por një “recetë natyrale” që për shekuj është përdorur për shëndetin mendor dhe fizik. Mjekët shpesh rekomandojnë vizitat në plazh për trajtimin e stresit, ankthit, depresionit dhe lodhjes.
