Nesër, e martë, Kosova do të përballet me mot kryesisht me diell dhe vranësira lokale. Në disa zona të izoluara mund të ketë rigë ose rrebeshe të shkurtra shiu. Temperaturat maksimale pritet të arrijnë deri në 29 gradë Celsius, duke krijuar një ditë të ngrohtë verore.
Në Shqipëri, Maqedoninë e Veriut, Luginën e Preshevës dhe Mal të Zi, moti do të mbetet i ngjashëm – me diell dhe vranësira kalimtare. Megjithatë, në lindje të Shqipërisë dhe disa vise të Maqedonisë së Veriut, pritet mundësi për reshje lokale shiu të shoqëruara me vetëtima dhe bubullimë.
Meteorologët theksojnë se dita do të mbetet përgjithësisht stabile, por këshillojnë qytetarët që të jenë të përgatitur për mundësinë e reshjeve të shkurtra sidomos pasdite.
