Një mënyrë e shëndetshme jetese nuk kufizohet vetëm tek aktivitetet fizike dhe ushqyerja e ekuilibruar. Edhe mjedisi ku jetojmë ndikon drejtpërdrejt në mirëqenien tonë. Përveç hapësirave të gjelbra jashtë qyteteve, disa bimë të brendshme mund të kontribuojnë në pastrimin e ajrit, rritjen e cilësisë së jetesës dhe krijimin e një atmosfere më të shëndetshme gjatë gjithë vitit.
Këto bimë jo vetëm që përmirësojnë ajrin, por gjithashtu ofrojnë përfitime shtesë për trupin dhe mendjen.
Rozmarina
Përveç përdorimit në gatime, rozmarina, si shumica e bimëve halore, ndihmon në pastrimin e ajrit të lagësht dhe largimin e ndikimeve të dëmshme nga mjedisi.
Livanda
E njohur për efektin e saj qetësues, livanda rritet lehtësisht në hapësira të brendshme me dritë të mjaftueshme. Këshillohet të vendoset në dhomat e gjumit ose pushimit, pasi aroma e saj ndihmon në relaksim dhe lehtësimin e pagjumësisë.
Borziloku
Një bimë vjetore, e cila rritet lehtësisht nga fara. Përveç aromës së këndshme dhe përdorimit në ushqime, borziloku ndihmon në uljen e sasisë së dioksidit të karbonit në ajër.
Menta
E dobishme në çdo familje, menteja përdoret në gatime, pije dhe çajra të ndryshëm. Ajo lehtëson frymëmarrjen dhe është veçanërisht e dobishme për personat me probleme respiratore.
Jasemini
Kjo bimë ndikon pozitivisht në cilësinë e gjumit, ul ankthin dhe përmirëson humorin. Aroma e saj e butë krijon qetësi dhe ndihmon në një gjumë më të thellë e të qetë.
Kafja
Edhe pse nuk është një bimë e zakonshme për brenda shtëpisë, kultivimi i saj është i lehtë. Lulet e bardha me aromë të këndshme mund të shërbejnë si zëvendësim për ata që duan të kufizojnë konsumin e kafesë, pasi aroma e saj ofron kënaqësi të ngjashme.
Lonicera (Lulemanja)
E njohur për aromën e saj të fortë dhe freskuese, lonicera ndihmon në neutralizimin e erërave të pakëndshme, përmirëson humorin dhe ul nivelin e dioksidit të karbonit në mjedis. Gjithashtu, aroma e saj i largon insektet e padëshiruara.
Këto bimë nuk janë vetëm zbukurim për hapësirat e brendshme, por edhe mbrojtës natyralë të shëndetit. Duke i shtuar në jetën e përditshme, mund të krijojmë një ambient më të pastër, më të qetë dhe më të shëndetshëm.
