Të mërkurën, Kosova do të përballet me mot kryesisht me diell dhe mjaft të nxehtë. Pritet të fryjnë erëra të lehta deri mesatare, ndërsa në disa rajone edhe më të fuqishme nga jugperëndimi. Temperaturat do të variojnë nga 14 gradë Celsius minimalja, deri në 32-33 gradë maksimalja.
Në Shqipëri, Maqedoninë e Veriut, Luginën e Preshevës dhe Mal të Zi gjithashtu parashihet mot i ngjashëm veror – me diell dhe nxehtësi të lartë. Reshjet do të mungojnë pothuajse tërësisht, ndërsa temperaturat pritet të rriten falë erërave nga perëndimi dhe jugperëndimi, të cilat gradualisht do të fuqizohen gjatë ditës.
