Deputetja e Lëvizjes Vetëvendosje, Shqipe Mehmeti-Selimi, ka reaguar pas interesimit të mediave dhe opinionit publik për mungesën e saj në votim gjatë seancës së sotme të Kuvendit të Kosovës.
Përmes një reagimi publik, ajo ka theksuar se vendimi i saj nuk ka lidhje me motive partiake, por lidhet me një postim të datës 7 shkurt dhe 25 mars 2020, të cilin e ka bashkëngjitur në reagimin e saj.
“Ky shpjegim po bëhet për hir të transparencës dhe respektit ndaj opinionit publik, mediave dhe veçanërisht përkrahësve e votuesve të Lëvizjes Vetëvendosje,” ka deklaruar ajo.
Mehmeti-Selimi gjithashtu ka falënderuar kolegët, aktivistët dhe votuesit e VV-së për mirëkuptimin, duke përsëritur se qëndrimi i saj është i bazuar në parime personale.
